آزادی مارچ: حکومت کا عمران خان سمیت پی ٹی آئی کے سرکردہ رہنماؤں کو نظربند کرنے کا منصوبہ

اسلام آباد: حکومت نے پی ٹی آئی چیئرمین عمران خان کو پارٹی کی اعلیٰ قیادت کے ساتھ بدھ (آج) پشاور سے اسلام آباد جاتے ہوئے حراست میں لینے کا فیصلہ کیا ہے،

سیکیورٹی انتظامات کے ذمہ دار ایک اعلیٰ افسر نے نام ظاہر نہ کرنے کی درخواست پر منگل کو بتایا۔ ذرائع نے بتایا کہ حکام نے مختلف ایجنسیوں کے ساتھ تفصیلی ملاقاتوں کے دوران حراست کے بعد کے پہلوؤں پر تبادلہ خیال کیا لیکن آخر کار منصوبہ کو آگے بڑھانے کے لیے تمام وسائل استعمال کرنے کا فیصلہ کیا۔

انہوں نے مزید کہا کہ انٹیلی جنس ایجنسیوں کی رپورٹس کے مطابق پی ٹی آئی کے کارکن قانون نافذ کرنے والے اداروں کی جانب سے کسی بھی مزاحمت کا مقابلہ کرنے کے لیے پوری طرح سے لیس ہوں گے اور حکومتی ادارے اس صورتحال سے بخوبی آگاہ ہیں کہ ان حالات میں تصادم کو ٹالا نہیں جا سکتا۔